[Intro]
Eya, mwen pa janm kite pwoblèm
Vin ban m pwoblèm, hum.
[Verse]
Lèzom mechan, lèzom frekan
Yo menm ta vle wè pou w fè wanga
pou w ret tankou mandyan
Yo renmen wè lè w tonbe
tankou yon kòk ki pa ka bande
Menm frè w wè k ap ofri w dlo a
lè w swaf ta renmen pou w trangle.
Yo pran plezi nan malè w,
Yo pa janm vle ba w valè w
Lavi a se yon lekòl li ye,
Travay pou w mete pwen nan kanè w.
Nèg yo rayi m, fristrasyon anvayi yo
Bondye beni m, li mete siksè nan lavi m, o.
[Chorus]
Mwen p ap bwè kleren ak fo zanmi ankò, m kanpe dan.
M p ap fè byen ak ti egri ankò, m kanpe dan.
Menm lè m pliye kou wozo, m pa kase - M kanpe dan.
Nèg yo bliye si desten mwen trase, M kanpe dan.
O, o, o, o, m ap toujou kanpe dan
Kanpe dan, dan, dan.
O, o, o, o, m ap toujou kanpe dan
Kanpe dan, dan, dan.
[Verse]
Pandan yo tout konnen stori mwen
Yo bezwen desann volim mwen
Flash siksè mwen poko limen
M se yon dye nan yon po imen.
M se yon pasyone nan HMI mwen plafonnen
Lè medam yo wè m,y ap vole
Nan kesyon jwe laiv (live) pa kole.
Antouraj mwen redwi, yo pa kontan
Lè m ap rejwi, anpil nan yo vle detwi m
Fòk yo ta pase nan yon je zegwi.
Yo mèt pran distans yo, yo panse m dròl
M jis ap jere yon pwotokòl
Y ap pase "drip", m ap pase blòk
Y ap konte goud, m ap konte kòb.
[Chorus]
Mwen p ap bwè kleren ak fo zanmi ankò, m kanpe dan.
M p ap fè byen ak ti egri ankò, m kanpe dan.
Menm lè m pliye kou wozo, m pa kase - M kanpe dan.
Nèg yo bliye si desten mwen trase, M kanpe dan.
O, o, o, o, m ap toujou kanpe dan
Kanpe dan, dan, dan.
O, o, o, o, m ap toujou kanpe dan
Kanpe dan, dan, dan.
