Ti gason
Néglijé Madan Gougous, enpòté plastik
twoké mango kònn, kann kréyòl pou krèm sentétik
Bwat Kénédi, bal pèpè révoké tayè
kòdonyé ak koutiryè tounen anyennafè
Gadmanjé, galata, panntyè, lamwa nan mizè
ébénis vann métyé yo pou janbé fontyè
Lé pèp pa péchè, l-pa najè tout éspwa-l sou lanmè
adyé mizè, gad-on-w doulè.
Monté kanson-w ti gason
diyité-w sé sèl sa ki rété-w
Renmen la vi-w lòt fason
vyé enfliyans finn dézabiyé-w.
Nan kè-w, g-on-w flanm
imaj w-ap pwojté sa sòt nan nanm
Pran san-w, viv tan-w
tandé ti gason, sonjé prensip Papa-w ak Manman-w.
Yo finn pran tout sa-n té genyen
yo ban-n chwa dézyèm men
Y-anvayi tout sa nou renmen
falsifyé ti sa-n té konnen
Lavé tèt, maré men
yo pran tout maton pou kréten
Yo pran vyann, yo ban-n zo
Yo pran vrè, pou ban-n fo
planifyé mizè nou, yo gen patant malè nou
Yo pran kè-n, yo pran tè-n, éksploré fon lanmè nou
rad sou nou ki rété, yo vlé dézabiyé, men, non.
Monté kanson-w ti gason
diyité-w sé sèl sa ki rété-w
Renmen la vi-w lòt fason
vyé enfliyans finn dézabiyé-w.
Nan kè-w, g-on-w flanm
imaj w-ap pwojté sa sòt nan nanm
Pran san-w, viv tan-w
tandé ti gason, sonjé prensip Papa-w ak Manman-w.
Kochon kréyòl, poul péyi konn wout sa m-ap di ya
yo fè-l déja
Nou pa anvi jénès la fè wout sa-a
kafé pilé, mayi griyé, yo konn sa m-ap palé ya.
Wo
Koutim yon pèp ki inondé
kilti-w péyi k-apé nwayé
Nanm yon nasyon pa ka dòmi
pa gen ren, nanpwen sentiwon
fouk kanson jouk anba talon.
Sou ki bit ou kanpé?
Jous ki bò sa pralé?
Monté kanson-w ti gason
diyité-w sé sèl sa ki rété-w
Nan kè-w, g-on-w flanm
imaj w-ap pwojté sa sòt nan nanm
Pran san-w, viv tan-w
tandé ti gason, sonjé prensip Papa-w ak Manman-w.
Pawòl: Jean Bélony MURAT/BélO ak Jean Winer PASCAL
Mizik: Jean Bélony MURAT/BélO
26 Févriyé 2017
