Fanm Peyi'm • Ansy Dérose
ADDED BY TIZER (OCT 15, 2014 AT 9:39 AM) • 33,303 VIEWS • EDIT
Album: Ansy Dérose
Year: 1985
Lyrics by: Ansy Dérose
Tout fanm lan peyi m
Ke l marabou, ke l milatrès, ke l se nègès
Tout se bèl fanm
Ki san woujalèv, san makiyay s’on rèn solèy ki pot chalè
Ki konn travay, ki konn renmen, ki konn soufri
Se fanm lagè, fanm d’Ayiti
Si w’ap chache yon fanm pou marye. w’a gen pwoblèm pou deside
Se ke menm kote manje ra, fanm pouse kou djondjon
Lè vakans rive nan tout lari, Pòtoprens kou pwovens
Se bèl parad, se bèl istwa
Ou wè bèl yeux nwa, bèl yeux mawon,
Ou wè yeux lwil, yeux tamaren
Nègès ak dan blan, jansiv vyolèt kou kayimit
Tout se lanmou k’ap pwomennen
Tout gason ki pale fanm yo mal se gason ki pa fin nòmal
Gen malchans ki fè ke pafwa w’al tonbe sou on chòche
Chak fanm lan peyi m s’on boul dyaman k’ap pwomennen
Ala fanm yo bèl, fanm Dayiti yo bèl
Ala fanm yo bèl
Fanm sila yo gen kè, yo gen nanm ak kouray
Lanpwen fanm sou latè ki ka fanm pase sa
Ala fanm yo bèl, fanm d’Ayiti yo bèl
Ala fanm yo bèl
Ala fanm renmen
Manman nou tout se fanm
Ke l se machann, ke l se prensès, ke l malerèz, ke l milyonèz
Menm si l se yon fanm ki t’ap mache chèche ki ranmase
Si w pa konn kilè ni pou ki moun, fò n pa jije l, fò n respekte l
Se fanm peyi n, fanm d’Ayiti
Lè maten lò l desann lavi l chay sou tèt li menm si l gwo vant
Fanm sila yo fanm gen kouray, yo merite lanmou
Chak fanm lan peyi m s’on boul dyaman k’ap pwomennen
Ala fanm yo bèl, fanm d’Ayiti yo bèl
Ala fanm yo bèl
Fanm sila yo gen kè, yo gen nanm ak kouray
Lanpwen fanm sou latè ki vanyan pase sa
Ala fanm yo bèl, fanm d’Ayiti yo bèl
Ala fanm yo bèl
Ala fanm janti
Ala fanm yo dous
