ADDED BY DIDIER (FEB 15, 2020 AT 5:37 PM) • 4,922 VIEWS • EDIT
Kasè Kòd La [Kanaval 2020] • Djakout #1
Haiti bezwen priyè
Frè Severe vin chante pou Ayiti
Wa va restore sa k pou nou yo
Wa va desann kot miray yo te fann
Wa va konstwi yon lòt jenerasyon tou nèf
Wa beni Ayiti y ap fè soufri
Wa repare tout sa yo te gate
Tout yo devore
Wa va desann restore sa k pou mwen yo
Wa beni Ayiti yap fè soufri
Woy nou mele
Nou mele
Djakout vin met lòt nan dezòd
Sonje lontan jan lavi moun te respekte – sa n fè yo
Monte desann bisantnè se te yon fyète – sa n fè yo
Timoun te konn fè lago kache tout kote – sa n fè yo
Moun nan lari kè yo pat janm sote – sa n fè yo
Ensekirite k ap fè nou lagè – ohhh peyi a pat konsa
Anba drapo nou dwa n limite – ohhh peyi a pat konsa
Tout tradisyon nou yo fin ale
Pèp la bezwen sekirite – pou tout moun nan peyi a pwoteje oh
Djakout mande pote kote – pou peyi d’Ayiti ka dekole oh
Pèp la mete prezidan pwoblèm yo toujou la – non sa pa bon
Opozisyon ranse pwoblèm yo toujou la – non sa pa bon
N ap sispann vote pou mil goud
Pèp la bezwen sekirite – pou tout moun nan peyi a pwoteje oh
Djakout mande pote kote – pou peyi d’Ayiti ka dekole oh
Pèp la mete majistra fatra yo toujou la – non sa pa bon
Men sektè prive se pèp la yap souse – non sa pa bon
Legliz moute pil sou pil fidèl yo vin pi mal
Non sa pa bon
Nou bouke ak mache k ap boule leve de men n anlè rele
Anmwey
Nou fatige ak lapolis kap tonbe leve de men n anlè rele
Anmwey
Yo manyen Djakout la pèp la anraje
Si l fè l move, yap dechire, yap devore w
Si kwè m manti mande fanatik Djakout – se sa l ye
Moun Ri Dèkazèn voye je nou anlè kisa nou wè kisa nou wè – Djakout
Men moun Chanmas voye je nou anlè kisa nou wè kisa nou wè – Djakout
Ayisyen voye je nou anlè kisa nou wè kisa nou wè – Djakout
Fanatik Djakout nan wotè n ap pase la
Leve de men n anlè pou n pase men n anlè a
Pase men n anlè
Sa w te ye – ou pa Bondye w pa gen dwa pou w jije m
Kisa kisa kisa w te ye
Pa met zam nan men jenès la pou l pa detwi
Nan yon sèl peyi, nou tout se Ayisyen, twòp san koule
Pa met zam nan men jenès la pou l pa detwi
Nan yon sèl peyi, nou tout se Ayisyen, twòp san koule
Panse mete lekòl pou yo
Sante avèk travay pou yo
Kreye enfrastrikti pou yo
Lè sa n a va konstwi on peyi
Men sa nou bezwen pou peyi dayiti jwenn liberasyon n
Pèp Ayisyen yo pran nou pou esklav ane 2020 sa nou sèmante – nou libere
Pèp Ayisyen yo pran nou pou esklav leve men goch leve men dwat lage m – nou libere
Leve men dwat kase – kow demare m
Leve men goch kase – kow demare m
Leve de men n anlè chanmase –demare m
Demare m
Lage l
Chèche Toto m pa wè Toto – kote Toto kache
Chèche Toto m pa wè Toto
Soti nan tou a non
Yo manyen Djakout la pèp la ap anraje
Si l fè l move, yap dechire, yap devore w
Si kwè m manti mande fanatik Djakout – se sa l ye
Djakout wa kanaval la depi l rive chanmas
Fanatik Djakout – afiche w
Moun chanmas cheri yo – afiche w afiche w
Tout Ayiti cheri - afiche w
Moun a dwat yo – kote w kanpe
Moun a goch yo – kote w kanpe
Devan dèyè – kote w kanpe
Pouse Djakout monte – wey men wa kanaval la
Pouse – wey