Nou Byen Mal • BIC

ADDED BY TIZER (APR 21, 2016 AT 4:02 PM) • 19,650 VIEWS • EDIT

Genre: Ragga/Rap/Hip-Hop
Album: Kreyòl Pale, Kreyòl Konprann
Year: 2010
Featuring: Abojah

[Intro]
Malfektè fè mal trè byen, e gen moun ki fè byen ke yo wè mal
Byen pi bon men l mal pou fèt

[Verse 1] 
Nan mond lan, gen moun ki vini pou kouri jouk tan fyèl yo pete 
Gen lòt malgre yo gen 2 pye ki vini pou ranpe 
Gen sa ki vini pou anpeche lòt vini 
Gen sa k ap viv pou anpeche lòt viv 
Sa vle di ke menm si se ak yon chabon dife, 
Chak moun nan vi a gen yon wout ki trase 
Menm si se ak sandal oubyen ak soulye, fòk ni lewa, ni larèn pase pase 
Mal avèk byen gen menm acte de naissance 
Jezi ak Jida te oblije fè konesans 
Pa gen lanvè san landwat, pa gen landwat san lanvè 
E se pi gran prensip nan linivè 
Ki enpòtans lavi si pat gen lanmò? 
Siksè pa tap gen okenn gou si pat gen remò 
Si mond lan te sanpousan pozitif, nou t ap raz 
Sa ta pral mande yon table rase 
Lòm, nou nan mitan 2 dimansyon 
Byen avèk mal se ren pou ren, fifti-fifi 
Si w pa ka fè ekilib, sorry piti 
Paske menm avèk yon gwo bibit w ap piti piti 
Rich, pòv 
Enmi, sòv 
Hèn, lòv 
Djwèd, chòv 
Nan pwezi yo rele sa mo ki rime 
Si yo di w BIC renmen sa, se pa rimè 
[Hook] 
Nou byen, nou mal 
Nou byen mal 
E se pa yon mal 
Nou byen, nou mal 
Nou byen mal 
E se nòmal 
[Verse 2] 
Se plizoumwen mèyè eksplikasyon 
De plis e de mwens ki se yon bèl kontradiksyon 
Byen ak mal fè pati konsepsyon vi a 
Eve te oblije manje fwi a 
Lisifè ak lanj Gabriyèl gen menm papa 
Èske w deja reflechi sou sa ti papa? 
Mwen pa vin ankouraje w fè mal, 
Men inyore l se tèt ou w ap fè mal 
Ou pap janm ka anpeche dlo bay lavi, 
Menm jan ou pap janm ka anpeche l detwi lavi 
Tout sa k ka fè byen anmèmtan ka fè mal 
Men si w ka fè plis byen, deja sa pa pi mal 
Mwen mal plase pou m pale w de byen 
Men m byen kontan ke lavi m pa pi mal 
M ap fè efò pou m kenbe ekilib 
M pap lage lavi m nan men envalid 
[Hook] 
[Verse 3 – Abojah] 
Ou patap konn sa k fòs san feblès 
Viktwa san defèt, ni jwa san detrès 
Vi sa a s on istwa ak 2 tèt, li vas 
Inyorans san konesans, tout bagay gen de sans 
Fè aksyon, tann konsekans 
Soufrans pa vini san rezistans – rilaks 
Moun konn di l byen lè se malfektè yo fè mal 
E malgre l mal, li pa vle admèt a erè movèz fwa l 
Si pa gen lòd pa gen dezòd, si pa gen lòd gen dezòd 
Pa gen 2 God, si pa gen maryaj pa fouti gen divòs 
Ou ka konprann mal ak byen mal 
Konfonn byen ak mal 
Paske byen pi mal pou l fèt ke mal, sa byen fè m mal 
Ou byen vini w ka fini mal 
Malfini pou poul, pou malfini chasè ak fistibil 
Fas a fas, dozado, fraz pa fraz, mo pa mo 
Sahara, gwo ma dlo 
Sa a ra, BIC Abojah kolabo 
Tonton palmis ak kalite ak vis 
Raj oubyen saj 
Nan mond blan nwa, nou byen pal, nou byen mal 
[Hook] 


BIOGRAPHY
  • BIC marries rap and folk to deliver poignant critiques and observations of the Haitian society. In 2000, he launched his musical career as a member of the rap group Flex. Then he formed the duo BIC (Brain. Intelligence. Creativity.) and adopted the acronym as his stage name. In 2010, he went solo and started his record label, Tizon Dife Records. Since 2006, BIC has served as Goodwill Ambassador for several organizations, including the Haitian Basketball Federation and SPEDH (Support Social pour les Enfants Démunis d'Haiti. Since 2012, he has served as Ambassadeur de la Francophonie alongside BélO and Jean-Jean Roosvelt. In 2014, BIC won Institut Français's VISA pour la Creation residency and spent three months at the Cité Internationale des Arts de Paris completing his dual language album, Recto-Verso. His sixth album, Vokabi-Lari, was released in May 2016.
    • SUGGESTED SONGS Pòtoprens – BIC Alèkile – BIC Ouvè Kòw – Izolan Pwan Pleziw Pou W Viv – K-Libr Boutèy Anlè – K-Libr Pa Gen Jwèt Ankò – Dug.G Vin Defoule W – K-Libr Biyografi Mwen – Wanito Haitian Experience – Wyclef Jean Zo Ranje – G Bobby Bon Flo On Milyon – K-Libr Gunshot – Izolan
    TOP WIKIMIZIK USERS Tizer • 6,294 Points Gen11 • 3,266 Points Didier • 1,840 Points Jess24 • 1,548 Points Zoklo • 1,539 Points Phkathius1 • 1,290 Points Natou • 1,276 Points Masakadie • 1,160 Points Lilpeter3 • 1,160 Points Vonshi • 836 Points